İran İsraildə ordudan yayınanlara kömək etmək istəyib - ABŞ və İsraildən əməliyyat

İsraildə məcburi hərbi xidmətdən qaçmaq üçün İranın dəvəti ilə bu ölkədə məskunlaşmağa çalışan yəhudi icmasının üzvlərinin ABŞ və İsrailin keçirdiyi birgə əməliyyat nəticəsində qarşısı alınıb.

 “Ölkə.Az” “haber7”yə istinadən xəbər verir ki, dini əqidəsinə görə İsraildə hərbi xidmət keçmək istəməyən dindar yəhudilər İranın dəvəti ilə qrup halında İrana köçmək istəyiblər, lakin onlara İsrail hakimiyyəti tərəfindən maneə törədilib.

İsraildə yaşayan ancaq əqidəcə Hasid cərəyanına məxsus yəhudilər anti-semit olaraq orduda xidmət etmək istəmirlər.  

İran rəsmiləri İsraildə hərbi xidmətə məcbur edilən yəhudiləri İranda məskunlaşmaq barədə çağırış edib. 

Plana görə, İranda məskunlaşmaq istəyən yüzlərlə dindar yəhudini daşıyan sərnişin təyyarəsi əvvəlcə Qvatemalaya, oradan hava yolu ilə İraqa, oradan isə quru yolu ilə İrana gedəcəkdi.
Lakin ABŞ və İsrail kəşfiyyatının birgə əməliyyatı nəticəsində yüzlərlə yəhudi Qvatemalada dayandırılıb və bəziləri saxlanılıb. 

2016 -cı il siyahıya alınmasına görə, İranda 9826 yəhudi yaşayır. 290 millət vəkili olan İran parlamentində azlıq kvotasına görə 1 millət vəkili yəhudi olmalıdır.

Hazırda İsraildə 250 min, ABŞ-da isə 80 minədək İran əsilli yəhudi yaşayır.

Ölkə.Az