Ərdoğandan ilk açıqlama gəldi

Ərdoğandan ilk açıqlama.

Ölkə.Az xəbər verir ki, Türkiyə prezidenti Ərdoğandan maraqla gözlənilən ilk açıqlama gəlib. Ərdoğan seçkinin ardından yeni bir prosesin başladığını ifadə edib və sabitliyin qorunması üçün siyasi partiyaları həssas olmağa çağırıb.

"Bazar günü reallaşan 2015 ümumi seçki nəticələrinin ölkəmiz və millətimiz üçün xeyirli olmasını arzu edirəm. Seçkilərə iştirak nisbətinin yüksəkliyi əziz millətimizin iradəsini qutularda əks etdirmə və demokratiya məsələsindəki qətiyyətinin ifadəsidir.

Millətimizin təqdiri hər şeyin üzərindədir. Nəticələrin heç bir partiyaya təkbaşına iqtidar olmaq imkanı vermədiyi mövcud cədvəlin yarışa qatılmış bütün partiyalar tərəfindən sağlam və həqiqi bir qiymətləndirməyə tabe olacağına inanıram.
 
Seçkilərdən sonra başlayan bu yeni müddətdə ölkəmizdəki sabitlik və təhlükəsizlik mühitinin, demokratik nailiyyətlərin qorunması üçün bütün siyasi partiyaların lazımi həssaslıq, məsuliyyət nümayiş etdirməsi böyük əhəmiyyət kəsb edir.

Seçkiyə hörmət göstərən əziz millətimizə, seçki komissiyamıza, yerli seçki təşkilatlarına, təhlükəsizlik qüvvələrimizə təşəkkür edir, nəticələrin ölkəmiz üçün xeyirlərə vəsilə olmasını diləyirəm".

Rəşid Mustafazadə

Ölkə.az