Makrona ləqəb qoşdular: Consonun məktubundan sonra əsəb tutması keçirir

Böyük Britaniyanın baş naziri Boris Conson Fransa Prezidenti Emmanuel Makrona məktub yazıb.

Ölkə.Az xarici KİV-ə istinadla xəbər verir ki, Consonun məktubunda 31 nəfərin La-Manş boğazında həyatını itirməsindən sonra miqrasiya böhranını həll etmək üçün beş maddəlik plan yer alıb.
Conson məktubunda mühacirləri daşıyan qayıqların Fransadan çıxmasının qarşısını almaq üçün birgə patrul və ekstradisiya müqaviləsini ehtiva edən planın keçidlərə dərhal təsir göstərəcəyi fikrini müdafiə edib.

Britaniya mediası Makronun əsəb tutması keçirdiyini və məntiqsiz siyasətlər izlədiyini bildirərək, Fransa liderinə yeni ləqəb verib. Böyük Britaniyanın Avropa Birliyindən çıxmasından sonra Makronun xarici siyasətinin relsdən çıxdığını yazan “Daily Mail” qəzeti Fransa prezidenti üçün “Qalay Napoleon” ifadəsini işlədib. Böyük Britaniya hesab edir ki, Makron Breksitin qisasını almaq üçün bütün cəbhələrdə Londona qarşı siyasət yürüdür.

Fransanın daxili işlər naziri Gerald Darmanin də britaniyalı həmkarı Priti Patelin Fransada keçiriləcək görüşə artıq dəvət edilmədiyini bildirərək, iki ölkə arasındakı danışıqları ləğv edib.

"Məktub tam məyusluqdur, vəziyyəti daha da pisləşdirir" deyən fransalı nazir bu addımın Consonun açıq məktubu səbəbindən atıldığını bildirib. 

Digər tərəfdən, Fransız balıqçılar dünən etdikləri hərəkətlə La-Manş boğazında iki ölkə arasında dəniz nəqliyyatını kəsiblər. Limanları mühasirəyə alan balıqçılar öz nəqliyyat vasitələrinin İngiltərəyə keçməsinə icazə verməyiblər. Ehtimal olunur ki, hadisə Böyük Britaniyada yeni təchizat böhranına səbəb ola bilər.

Billurə