\"Pulemyotun nişangahı altında necə demarkasiya aparmaq olar?\"
“Delimitasiya və demarkasiya prosesindən danışırıq. Məgər dövlətimizin indiki gündəmi budurmu? Hesab edirəm ki, bu gün dövlətimizin gündəliyi Ermənistanın bütün təhlükəsizlik sistemlərinin bərpası və modernləşdirilməsi olmalıdır”.
"Ölkə.az" konkret.az-a istinadən xəbər verir ki, bu fikirləri İrəvan Dövlət Universitetinin İranşünaslıq kafedrasının müdiri Vardan Voskanyan səsləndirib: “Düşmənin (Azərbaycan –red) pulemyotunun nişangahı altında necə demarkasiya aparmaq olar?. Üstəlik o pulemyot təkcə nişan almır, həm də atəş aça bilirsə”.
Voskanyan “Qarabağ münaqişəsini həll etmədən delimitasiya və demarkasiya aparmaq həm “Artsax”ın, həm də Ermənistanın gələcəyini təhlükə altına atır” – deyib.
“Ermənistanın bu gün sərhədləri ilə düşdüyü həssas vəziyyət gələcək nəsilləri dövləti gücləndirmək imkanından məhrum etmək deməkdir” – deyə Vardan Voskanyan fikirlərini tamamlayıb .
