Mətn ölçüsü:
  • 100%

Ekspert: Moskva və Tehran hərbi ittifaq yaratmaq istəyir

Rusiya ilə İran arasında hərbi əməkdaşlıq və bunun hərbi ittifaq səviyyəsinə qaldırılması məsələsi İran Prezidenti İbrahim Rəisinin bu yaxınlarda Moskvaya səfəri zamanı müzakirə edəcəyi gözlənilir.

 “Ölkə.Az” xəbər verir ki, belə bir hərbi ittifaqın yaradılması məsələsi ilə bağlı  fikri Rusiyanın “Vzqlyad” qəzetinə müsahibəsində Müasir İranın Tədqiqat Mərkəzinin baş direktoru  Rəcəb Səfərov da  təsdiqləyib.

“Moskvada gözlənilən görüşdə Rusiya və İran prezidentləri ikitərəfli hərbi ittifaq üzrə dialoqda irəli gedə bilərlər”, - politoloq  Rəcəb Səfərov qeyd edib.

 Onun fikrincə, nəzəri cəhətdən Tehran Moskva ilə hərbi ittifaqa girməyə heç nəyi məhdudlaşdırmır: “Baxmayaraq ki, praktikada bunu etmək asan olmayacaq. Qanun hər hansı xarici qoşunların İran ərazisində yerləşdirilməsini qadağan edir. Bununla belə, hərbi bloklara üzvlüklə bağlı birbaşa qadağa yoxdur və bu fakt Putinlə Rəisi arasında söhbət zamanı mütləq nəzərə alınacaq”.

Ekspert hesab edir ki, geosiyasi reallıqda baş verən dəyişikliklər hər iki tərəfi müdafiə sektorunda yaxınlaşmaya sövq edə bilər: “Avrasiyada, obrazlı desək, hamını dirsəkləri ilə sıxışdıran amerikalıların hərəkətlərini birgə məhdudlaşdırmaq üçün Moskva Tehrana maraqlı təklif verə bilər və bu barədə ciddi düşünəcək”.

“Vzqlyad”ın yazdığına görə, İran prezidentinin  Moskvaya səfərinin  əsas məqsədi hərbi-texniki əməkdaşlıq məsələlərini müzakirə etməkdir.

Mürtəza
Ölkə.Az