Kreml Ağ Evə cavab verdi: Ukraynaya müdaxilə ilə bağlı bəyanatlar əsassızdır

Rusiya səfirliyi ABŞ-ın Rusiyanın Ukraynaya müdaxiləsi ilə bağlı yaydığı bəyanatlarına münasibət bildirib.

“Ölkə.Az” xəbər verir ki, Rusiyanın ABŞ-dakı səfirliyi öz Facebook səhifəsində Ağ Ev və Pentaqonun Rusiyanın gözlənilən Ukraynaya müdaxiləsi və buna bəhanə axtarması ilə bağlı bəyanatlarını şərh edib. 

Diplomatik missiya qeyd edib ki, ABŞ administrasiyasının nümayəndələri mümkün təxribatların ssenarilərini və onların tarixlərini ətraflı təsvir edir, lakin sübut təqdim etmirlər.

Səfirlik vurğulayıb ki, məsələnin bu cür formalaşdırılması Rusiyaya qarşı davam edən informasiya təzyiqidir.

Biz də öz tərəfimizdən həmkarlarımızı bu cür macəralara qarşı xəbərdar etmək istərdik. Bir daha bəyan edirik: ABŞ-da (həm rəsmi səviyyədə, həm də mediada) bizə qarşı ardı-arası kəsilməyən ittihamlar əsassızdır və heç bir əsası yoxdur. Biz ABŞ-ı Rusiya tərəfinin təklif etdiyi müqavilə layihələri əsasında təhlükəsizlik təminatlarını təmin etmək üçün əsaslı işlə məşğul olmağa çağırırıq.

Diplomatik missiya xatırladıb ki, Rusiya müharibəyə qarşıdır və bütün beynəlxalq problemlərin diplomatik yolla həllinə ümid edir.

Mürtəza
Ölkə.Az