ABŞ-da Rusiyaya görə təcili toplantı: \"Ağır nəticələri olacaq\" mesajı

ABŞ prezidenti Co Bayden Rusiyanın təcavüzü halında görüləcək tədbirlərlə bağlı təcili iclas keçirib. 

“Ölkə.Az” xəbər verir ki, görüş Amerika liderinin şəhər kənarındakı iqamətgahında baş tutub.

Bu barədə Ağ Evin Tvitter səhifəsində məlumat verilib .

“Bu gün prezident Bayden özünün milli təhlükəsizlik komandası ilə görüşüb, Rusiyanın Ukraynaya qarşı davam edən təcavüzkar hərəkətlərini müzakirə edib”, - məlumatda deyilir.

Qeyd olunur ki, Rusiya hərbi əməliyyatların başlayacağı təqdirdə bunun tez və ağır nəticələrini hiss edəcək.

“Bayden bir daha təsdiqləyib ki, Rusiya Ukraynanı işğal etməyə davam edərsə, ABŞ müttəfiqləri və tərəfdaşları ilə birlikdə Rusiya üçün tez və ağır nəticələr yaradacaq addımlar atacaq”, - ABŞ prezident administrasiyası əlavə edib.

Mürtəza
Ölkə.Az