ABŞ Prezidenti canlı yayımda ona sual verən müxbiri söydü - VİDEO

ABŞ Prezidenti Co Bayden Ağ Evdəki mətbuat konfransında ona ünvanlanan suala əsəbləşərək jurnalisti söyüb.

Ölkə.Az “The Guardian"a istinadla xəbər verir ki, canlı yayım zamanı hər kəs tərəfindən eşidilən ABŞ prezidentinin sözləri müzakirələrə səbəb olub.

34 yaşlı “Fox News” müxbiri Piter Dusi Baydenə “sizcə, inflyasiya siyasi məsuliyyətdirmi” sualını ünvanlayıb. ABŞ Prezidenti isə ona əsəbləşərək “Xeyr, bu əla bir şeydir. Necə də axmaqdır. ... oğlu” deyə cavab verib.
Görüntülərdə Baydenin söyüş söydükdən sonra mikrofona gizli nəzər saldığı diqqətlərdən qaçmayıb. Bir çox sosial şəbəkə istifadəçisi Baydenin o sözləri deyərkən mikrofonun açıq olmasından xəbərsiz olduğunu yazıb.

Müxbir prezidentin təhqirini eşitmədiyi üçün reaksiya verməkdə gecikdiyini söyləyib:
“Mənim reaksiyam gecikdi, çünki gördüyünüz kimi, o zaman Ağ Ev işçiləri bizi oradan çıxarırdılar. Sonra kimsə dedi ki, “prezidentin sənin haqqında nə dediyini eşitdin?” dedi. Yox dedim və ondan nə dediyini soruşdum”.

Dusinin sözlərinə görə, bu hadisədən sonra Bayden ona zəng edərək üzrxahlıq edib:
“Mənə bunun şəxsi bir şey olmadığını dedi. Hər zaman ona qeyri-adi suallar verməyə çalışdığımı deyəndə “mütləq belə davam etməlisən” cavabını verdi” - jurnalist bildirib.

Billurə Yunus