Məşhur aparıcının əri öldürüldü - FOTO
Türkiyənin tanınmış aparıcısı Ece Erkenin həyat yoldaşı Şafak Mahmutyazıcıoğlu silahlı hücum nəticəsində dünyasını dəyişib.
“Ölkə.Az” “haber7”yə istinadən xəbər verir ki, “Beşiktaşın” keçmiş meneceri Ş.Mahmutyazıcıoğlu ötən gecə yerli vaxtla saat 00:30 radələrində Yeşilköydəki balıqçı restoranında naməlum şəxslərin hücumuna məruz qalıb. Dörd yerindən yaralanan Mahmutyazıcıoğlu həyatını itirib.
Əldə edilən məlumata görə, Şafak Mahmutyazıcıoğlu saat 00.30 radələrində Yeşilköy Balıqçılar Çarşısında güllələnib. Xəbər verildikdən sonra hadisə yerinə polis və 112 Təcili Xidmət qrupları göndərilib.
Şafak Mahmutyazıcıoğlu aldığı güllə yarasından yerində dünyasını dəyişib. Onunla bir yerdə yaralanan sürücüsünün həyati təhlükəsinin olmadığı açıqlanıb.
Hadisə ilə bağlı araşdırmalara başlanılıb.
Mürtəza
Ölkə.Az
