Çin Uyğur türklərinin vəziyyətini öyrənmək üçün BMT-yə qapılarını açır
Çin BMT-nin İnsan Hüquqları üzrə Ali Komissarının Pekin Qış Olimpiya Oyunlarından sonra ilin birinci yarısında Sincan-Uyğur Muxtar Bölgəsinə səfərinə icazə verməyə razılaşıb.
“Ölkə.Az” “haber7”yə istinadən xəbər verir ki, Çinin assimilyasiya siyasəti çərçivəsində sıxışdırdığı Uyğur türklərinin vəziyyəti ilə bağlı BMT rəsmi addım atmaqdadır. Bununla əlaqədar olaraq BMT-nin İnsan Haqları Təşkilatına aid qruplar Çinin digər azlıq qruplarına, xüsusilə də Sincan bölgəsindəki uyğurlara qarşı tətbiqlərini araşdırmaq üçün bölgəyə səfər edəcək.
Çin mətbuatı bu səfərin qəbul edildiyini bildirərkən, səfərin olimpiadadan dərhal sonra reallaşacağı açıqlandı.
Sincan bölgəsində başda uyğur türkləri olmaqla bir çox azlıqların kütləvi saxlanması, işgəncəyə və düşərgələrdə məcburi əməyə cəlb olunma kimi geniş sui-istifadələrə məruz qaldığı bildirilir.
Mürtəza
Ölkə.Az
