Daha bir tələbə qız İŞİD-ə qoşuldu

Elitar ali məktəbin tələbəsinin artıq İŞİD-in sıralarında olduğu bildirilir.

Ölkə.az Rusiya KİV-lərinə istinadən xəbər verir ki, Rusiya prezidenti yanında Xalq Təsərrüfatı və Dövlət Qulluğu Akademyasının tələbəsi Fatima Abdullayevanın itdiyi haqda onun valideyinləri hüquq-mühafizə orqanlarına məlumat veriblər.

Tələbə qızın valideyinlərinin sözlərinə görə o, internet vasitəsi ilə əlaqə saxlayaraq artıq Suriyada olduğunu bildirib. Valideyinləri qızlarını nə qədər başa salmağa çalışsalar da, dilə tutsalar da Fatimə fikrindən dönməyib.

Rusiya KİV-lərinin məlumatına görə, Fatimə Abdullayeva haqqında beynəlxalq axtarış elan edilib. Onun atasının hazırda İstanbulda olduğu və qızın axtarışları ilə məşğul olduğu bildirilir.

Xatırladırıq ki, eyni ali məktəbin tələbəsi Məryəm İsmayılovanın da İŞİD-ə qoşulduğu güman edilir. Onun atası da qızının axtarışlarını davam etdirmək üçün Türliyədədir.

Ölkə.az