İŞİD-ə qoşulmuş tacik komandir: "Qardaşımın başını şəxsən kəsəcəm"

"Əgər qardaşım mənə qarşı çıxsa, kafir olsa..."

Ölkə.Az xəbər verir ki, İŞİD terror qruplaşmasında vuruşan keçmiş Xüsusi təyinatlı mobil heyətin komandiri Gülmurod Xəlilovun növbəti videosu yayılıb.

İŞİD bayrağının qarşısında dayanan Gülmurad tamamilə sağlam olduğunu bildirib:

"Mən tamamilə sağlamam. Mən təəccüblənmişəm. Əgər mən dəliyəmsə, məni necə ABŞ-da hazırlığa göndərdiniz, polkovnik rütbəsi verdiniz, üç dəfə medalla təltif etdiniz. Belə çıxır ki, digər polkovniklər də dəlidir. Əgər qardaşım mənə qarşı çıxsa, kafir olsa, qardaşımın başını şəxsən kəsəcəm", - deyə keçmiş komandir bildirib.

O, İŞİD-ə qoşulmasını ölkədə dini qaydaların olmaması ilə əlaqələndirib.

Xatırladaq ki, 3 il əvvəl Gülmurad Xəlilov Tacikistanın DİN Xüsusi təyinatlı mobil heyətinin komandiri vəzifəsinə təyin edilib. Bu müddət ərzində nümunəvi xidmətə görə Xəlilov müxtəlif orden və medallarla təltif olunub. Lakin gözlənilmədən komandir yoxa çıxıb və 2015-ci ilin aprel ayının ortasından işə və evə gəlməyib. Qohumlar onun harada olduğunu bilməyiblər.

Mayın 27-i "Таджикистан Live" videokanalında yer alan videogörüntülərdə Xəliovun İŞİD tərəfdə Suriya və İraq ərazilərində döyüşdüyü təsdiq olunub.

Rəşid Mustafazadə

Ölkə.Az