Yaçenyuk: "Yanukoviç özündən sonra 40 milyard borc qoyub gedib"

"İndi Ukrayna hökuməti ancaq bu borcu qaytarmağı düşünür"

Ölkə.az xəbər verir ki, Ukrayna televiziyasına verdiyi müsahibəsində Yaçenyuk ölkə iqtisadiyyatının vəziyyətini şərh edərkən bu sözləri deyib.

"Kreditorlar Yakukoviç hakimiyyəti zamanı ölkəyə ümumilikdə 40 milyard dollar kredit veriblər. Kreditin müddəti üç ildir. Amma biz hakimiyyətə gələndən Ukraynaya dörd il meddətinə 25 milyard dollar kredit ayırmaq vəd olunub. İndi biz bu krediti alan kimi onunla Yanukoviçin borclarını bağlamaq məcburiyyətindəyik. Biz bu borcları qaytarmalıyıq ki, gələcək nəsillərin çiynində ağır yük olmasın", deyə Yaçenyuk vurğulayıb.

Yaçenyukun dediyinə görə, Ukrayna 2014-cü ildə kreditorlara 14 milyard dollar borc qaytarıb və bu Yanukoviçin borclarıdır.

Ölkə.az