Snouden Qazaxıstanda mükafata layiq görüldü

O, "Jurnalist araşdırması" nominasiyası üzrə mükafat alıb.

Ölkə.Az "İnterfaks"a istinadən xəbər verir ki, ABŞ xüsusi xidmətinin əməkdaşı Edvard Snouden Qazaxıstanın Jurnalistlər ittifaqının mükafatına layiq görülüb.

İttifaqın rəhbərliyi yaradıcılıq müsabiqəsinin nəticələrinə baxaraq, laureatların adlarını açıqlayıb.

Onların arasında Snouden də olub və o, "Jurnalist araşdırması" nominasiyası üzrə mükafat alıb.

Qeyd olunur ki, Mərkəzi Kəşfiyyat İdarəsi keçmiş əməkdaşı dünyada xüsusi xidmət orqanlarının total izləməsi haqqında gizli məlumatların açılmasına görə mükafata uyğun bilinib.

Rəşid Mustafazadə

Ölkə.Az