Ağ Evin keçmiş baş aşpazının meyiti tapıldı

Ağ Evin keçmiş baş aşbazı Uolter Şeyb Nyu-Meksiko şəhərində ölü tapılıb.

Ölkə.az xəbər verir ki, 61 yaşlı aşbaz bir neçə gündür yoxa çıxıbmış. Onun itməsi haqqında xəbəri polisə qohumları veriblər. Son məlumatda onun təkbaşına dağlara çıxdığı deyilir. Onun nədən öldüyü hələlik dəqiq bilinmir.

Məlumata görə, Şeyb 10 il müddətində Ağ Evin baş aşpazı işləyib və kulinar məharətinə görə ABŞ administrasiyasının qonağı olmuş bütün dövlət başçılarının rəğbətini qazanıb. Onun Ağ Evdəki fəaliyyəti əsasən, Bill Klintonun hakimiyyəti illərinə təsadüf edir.

Polis hazırda Uolter Şeybin ölümünün detallarını dəqiqləşdirir.

Ölkə.az