Gümrüdə polislə etirazçılar toqquşdu

İrəvanda baş verən toqquşmalardan sonra ölkənin Gümrü şəhərində də əhali keçələrə axışıb.

Ölkə.az erməni mətbuatına istinadən xəbər verir ki, polis Gümrünün mərkəzində yığışmış etirazçılara hücum çəkib. Nəticədə qarşıdurma yaranıb.

Məlumata görə, onlarla adam yaralanıb. Etirazçıların həbsi davam edir. Məlumatlarda həmçinin həbs olunanlar arasında bir neçə jurnalistin olduğu da bildirilir.

Xatırladırıq ki, Ermənistanda elektrik enerjisinin bahalaşmasına etiraz edən əhali ölkənin bir çox şəhərində küçəyə çıxaraq hökumətin qərarını dəyişməsini tələb edirdi.

Ölkə.az