Rusiya Ermənistandakı hadisələrdən narahatdır

Rusiya prezidentinin mətbuat katibi Dmitri Peskov Ermənistanda baş verən hadisələrə münasibər bildirib.

Ölkə.az Kremlin rəsmi saytına istinadən xəbər verir ki, Putinin mətbuat katibi Ermənistandakı prosseslərin qanun çərçivəsində həll olunacağına ümid etdiyini bildirib.

"Biz diqqətlə hadisələrin gedişini müşahidə edirik və ümid edirik ki, dost Ermənistandakı daxili anlaşılmazlıqlar dinc yolla və qanun çərçivəsində öz həllini tapacaq. Qanunların pozulması yolverilməzdir", deyə Peskov bildirib.

Xatırladırıq ki, Ermənistanda başlayan etiraz aksiyalarının əsas səbəbi Rusiyaya məxsus Armenerqo şirkətinin elektrik enerjisinin qiymətlərini qaldırmasıdır. Ermənilər qiymətlərin qalxmasında Sarkisyandan çox Rusiyanı günahlandırırlar.

Ölkə.az