İsraildən Qəzzaya növbəti hava hücumu

Ölən və yaralanan yoxdur.

Ölkə.Az xarici mətbuata istinadla xəbər verir ki, İsrailin hərbi təyyarələri Qəzzanin şimalındakı Beyt Hanun ərazisinə hava hücumunu təşkil ediblər.

Hadisə yerində olan şahidlərin bildirdiklərinə görə, atılan raketlərin tarla ərazisinə düşməsi nəticəsində əkilən məhsulların böyük hissəsi ziyan görüb. Qəzzadaki xəstəxana əməkdaşları hücum nəticəsində ölü və ya yaralıların olmadığını bildiriblər.

İsrail ordusundan bir şəxs İsrail radiosuna verdiyi açıqlamada bildirib ki, ölkənin cənubundakı Hof Aşkelon məskunlaşma ərazisinə Qəzzadan raket atılıb. Hemin şəxs əlavə edib ki, hücum nəticəsində heç bir ölü və yaralı olmayıb.

Səda Bədirova

Ölkə.Az