İŞİD-in 3 qadın snayperçisi məhv edildi

ABŞ koalisiya qüvvələri də İraq ordusuna havadan dəstək verir.

Ölkə.Az xarici mediaya istinadən xəbər verir ki, İraqın təhlükəsizlik orqanları Beycidə İŞİD terror təşkilatının 3 qadın snayperçisini öldürüb.

İraq federal polisi yazılı açıqlamasında bildirib ki, şimali Bağdad briqadasının Beycidə hazırladığı hərbi əməliyyatda Çin, Hindistan və Əfqanıstan əsilli İŞİD terror təşkilatının 3 qadın snayperçisi zərərsizləşdirilib.Terror təşkilatının 10 iyun 2014-cu ildə Mosulu və digər əraziləri ələ keçirməsi ilə başlayan döyüşlər ölkənin müxtəlif ərazilərində hələ də davam edir. Peşmərgə orqanları İŞİD terror təşkilatının əlində olan ərazilərin geri qaytarılması üçün müxtəlif əməliyyatlar həyata keçirir.

Qeyd edək ki, ABŞ koalisiya qüvvələri də İraq ordusuna havadan dəstək verir.

Səda Bədirova

Ölkə.Az