Türkiyə Kobaninin tutulmasını təkzib edir

12 nəfər ölüb, 70 nəfərə yaxın insan yaralanıb.

Ölkə.Az "Reuters"ə istinadən xəbər verir ki, Türkiyənin Şanlıurfa vilayətinin qubernatoru İŞİD terror təşkilatı üzvlərinin Suriyanın Türkiyə ilə sərhəddə yerləşən Kobani şəhərini ələ keçirməsi barədə xəbərləri təkzib edib.

İŞİD terrorçu qruplaşmasının yaraqlıları Türkiyə-Suriya sərhədində yerləşən Kobani şəhərinə daxil olması barədə xəbərlər yayılıb.

Mənbə "The Syrian Observatory for Human Rights" hüquq müdafiəsi təşkilatına istinadən edir: onların məlumatına görə, terrorçular gizli şəkildə şəhərə daxil olub, bundan sonra onlardan biri özünü sərhəd keçid məntəqəsində partladıb. Ən azı beş nəfər həlak olub.

Şahidlərin sözlərinə görə, küçələrdə öldürülənlərin cəsədləri qalıb. Reuters-in məlumatına görə, partlayış və döyüşlər nəticəsində 12 nəfər ölüb, 70 nəfərə yaxın insan yaralanıb.

Xatırladaq ki, Kobani Suriya və Türkiyə sərhədində şəhərdir. 2014-cü ilin sentyabrından 2015-ci ilin yanvarınadək kürdlər və İŞİD arasında Kobani uğrunda ağır döyüşlər gedib.

O zaman məğlub olan terrorçular Kobanidən geri çəkilmişdilər.

Əks-hücumu davam etdirən kürdlər iyunun 25-də İŞİD-in Suriyanın Rakki şəhərində yerləşən paytaxtının 50 kilometrliyindəki Ayn-İssa şəhərinə nəzarəti ələ keçiriblər.

Rəşid Mustafazadə

Ölkə.Az