Bütün dünya bu azərbaycanlıdan danışır

Azərbaycanlı dizayner bu yeniliyə imza atıb.

Ölkə.Az xəbər verir ki, məşhur "9gag" portalında yer alan məlumata görə, azərbaycanlı dizayner Elnur Babayev velosipedçilərlə bağlı qəzaların riskini azaldan yeni vasitə hazırlayıb.

Belə ki, velosipedi idarə edən şəxslərin arxasında xüsusi işıqlar vasitəsilə onların fəaliyyəti əks olunur və ətrafdakılara şəkillər vasitəsilə məlumat ötürür. Onun bu icadı bir çox velosiped həvəskarları tərəfindən müsbət qarşılanıb.

Bir sıra mənbələrdə bu yeniliyin hələ bir il əvvəl Babayev tərəfindən hazırlandığı, lakin son günlər daha çox diqqət çəkdiyi deyilir. Əldə etdiyimiz məlumata görə, Elnur Babayev 2005-ci ildə Türkiyədə ODTU Universitetini sənaye dizayneri ixtisası üzrə bitirib. O, tanınmış gənc avtomobil dizayneri Samir Sadıxovun bu sahəyə gəlməsində bilavasitə köməklik edib.

Elnur Babayev Azərbaycanın ilk avtomobil dizeyneri hesab olunur. Babayev "Red dot award" müsabiqəsinin finalçılarından və bir sıra mükafatların laureatı olub.

Rəşid Mustafazadə

Ölkə.Az