Bu top cinayətkarların qənimi olacaq

6 kameralı top icad edilib.

Görülməsi mümkün olmayan ərazilərdən anında şəkil göndərməyi bacarır.

Ölkə.Az xarici mətbuata istinadən xəbər verir ki, günahkarların saxlanılmasına yönəlmiş əməliyyatlarda istifadə edilmək üçün 6 kamerası olan top icad edilib.

Alimlər tələbə layihəsi olaraq başlanılan işin davamında üzərində olan kameraları bir görüntüdə birləşdirərək xüsusilə təhlükəsizlik qüvvələrinin telefon və tabletlərinə hadisə yerində baş verənləri göndərən top hazırlayıblar.

Harvard və Massaçusets Texnologiya Universitetində təməli qoyulan “Explorer” adlı topun üzərində 6 top kamera və bu kameranı dəstəkləyən led və infraqırmızı işıq qaynaqları var. Kamera görülməsi mümkün olmayan ərazilərdən anında şəkil göndərməyi bacarır.

Topun xarici üzlüyü qalın kauçukla qorunur. Top aktivləşdirildikdə 6 müxtəlif kamera vasitəsilə hər saniyə iki şəkil çəkilir. Top çəkilən şəkilləri panoramik halda birləşdirir. Proqram təxmini olaraq 20 metrlik ərazidə şəkilləri kabelsiz izləmə ekranına göndərir.

Topa yaxın gələcəkdə radiasiya, istilik və karbonmonoksid kimi sensorların daxil edilməsi planlaşdırılır. Bu planlar reallaşdırıldığında top yalnız polis basqınlarında deyil, fabrik yanğınları, mədən faciələri və s. hadisələrdə istifadə ediləcək.

2010-cu ildə Haitidə baş verən zəlzələ zamanı düşünülən və həyata keçirilməyə başlanan topun iyul ayinda satışa çıxarılması gözlənilir.

Ölkə.Az