Obama Merkellə Yunanıstan böhranını müzakirə etdi

Barak Obama Merkellə telefonla danışıb.

Ölkə.Az xarici mətbuata istinadən xəbər verir ki, ABŞ prezidenti Barak Obama Almaniya kansleri Angela Merkellə Yunanıtanda baş verən maliyyə böhranı ilə bağlı danışıb.

İki lider Afinanın islahatlarını və avrozonada davamlı inkişafa gətirəcək bir yolun tapılması üçün hər çarənin sınaqdan keçirilməsinin son dərəcə vacib olduğunu bildiriblər. Əlaqədar iqtisadi qurumların Yunanıstan məsələsini yaxından izlədiklərini bildirən Obama və Merkel bu məsələdə əməkdaşlığı davam etdirəcəklərini ifadə ediblər.

Həmçinin Obama telefon danışığında Tunisin Susa kəndindəki bir oteldə təşkil edilən hücumda alman vətəndaşın dünyasını dəyişməsinə görə Merkelə başsağlığı verib.

Ölkə.Az