Çində təbii fəlakət
Çinin müxtəlif bölgələrində leysan yağış daşqına və torpaq sürüşmələrinə səbəb olub.
Çin dövlət televiziyasının məlumatına görə, sel sularının hündürlüyü 2 metrə çatıb. Bəzi yerlərdə torpaq sürüşməsi baş verib. Sel suları yolları və körpüləri bağlayıb, xeyli sayda minik maşınını aparıb.
Ən gərgin vəziyyət Siçuan əyalətində yaranıb. Burada leysan yağış şimşək çaxması ilə müşayiət olunub. Nankin şəhərində azı 2 nəfərin öldüyü bildirilir.
Meteoroloqlar hələ bir neçə gün də Çinin bəzi əyalətlərində aramsız yağışın yağacağını proqnozlaşdırırlar. (ans)
Ölkə.Az
