Rusiya Müdaifə Nazirliyindən İŞİD açıqlaması

Rusiyanın müdafiə nazirinin müavini Anatoli Antonov Qərb dövlətlərini İŞİD-in yaradılmasında iştirak etməkdə günahlandırıb.

O, bu fikri bu gün ŞOS (Şanxay Əməkdaşlıq Təşkilatı) ölkələrinin müdafiə nazirlərinin toplantısından sonra keçirilən mətbuat konfransında jurnalistlərə açıqlamasında deyib. 

Antonov həmçinin qeyd edib ki, Qərb ölkələri terrorçu və ekstremistləri özləri yaradıb. "İndi isə onlar nəzarətdən çıxıblar və sırf öz maraqlarını güdürlər".

"İraq və Suriya ərazisində yaradılan İŞİD terror qruplaşması xüsusi narahatlıq doğurur", - deyən Anatoli Antonov əlavə edib ki, İŞİD Qərb ölkələri və onların tərəfdaşlarının maliyyə və hərbi dəstəyi ilə yaradılıb. "Məqsəd isə Bəşər Əsəd rejimini devirmək olub". (ans)

Ölkə.Az