Yunanıstan üçün yardım kampaniyası başlandı

Hədəf 1.6 milyon avro toplamaqdır.

Ölkə.Az xarici mətbuara istinadən xəbər verir ki, Londonda yaşayan bir şəxs 323 milyard avro borc ilə iflasa uğrayan Yunanıstan üçün sosial şəbəkədən yardım toplamağa başlayıb.

Kredit verənlərin təklif etdiyi iqtisadi tədbirlərini 5 iyulda referenduma çıxarmaq qərarı alan və Beynəlxalq Valyuta Fonduna olan borcunu ödəyə bilməyən Yunanıstanın məsələdən çıxış yolu axtardığı bir vaxtda xalq da böyük sıxıntı çəkir. Banklar bağlanıb, ATM-lərdən gün ərzində sadəcə 60 avro çəkmək mümkündür, bir çox yerlərdə kredit kartları qəbul edilmir, dərman və benzin sıxıntısı yaşanılır.

Yunanıstanın bu vəziyyətda olduğu bir vaxtda Londonda yaşayan Tom Feni adlı şəxs sosial şəbəkədə Yunanıstan üçün yardım kampaniyası başladıb. Hədəfin 1.6 milyon avro olduğu bu kampaniyada pulu toplamaq üçün bir həftə vaxtı olan Feni indiyə kimi ətrafından və tanıdıqlarından müsbət cavablar aldığını bildirib.

Qeyd edək ki, bu vaxta qədər yiğilan məbləğ 46 min avrodur və vaxt keçdikcə artmağa davam edir.

Ölkə.Az