Merkel: "Yunanıstan üçün qapılar açıq idi və həmişə də açıq olacaq"

Merkel Yunanıstan haqqında danışdı

Ölkə.Az xarici mətbuata istinadən xəbər verir ki, Almaniya kansleri Angela Merkel Avropa Birliyinin gələcəyi üçün çox önəmli açıqlamalar verib. Yunanıstanda baş verən maliyyə böhranı ilə bağlı danışan Merkel bildirib ki, Yunanıstan üçün qapılar açıq idi və həmişə də açıq olacaq.

Bazar günü keçiriləcək referenduma qədər Yunanıstanı bu böhrandan qurtarmaq üçün yeni proqramın təqdim edilməyəcəyinə işarə edən kansler qeyd edib ki, yunan xalqının referenduma getmək haqqı var, amma avrozona ölkələrinin də öz haqqı var.

Digər tərəfdən iyulun 20-nə kimi Yunanıstanın əməkdaşlıq edib-etməyəcəyi barədə danışan Almaniyanın maliyyə naziri Volfqanq Şabl referendumdan əvvəl hər hansı əməkdaşlığa ehtiyac olmadığını və Yunanıstanin kredit verənlərlə razılaşmaya gəlib-gəlməyəcəyi barədə məlumat verməyəcəyini bəyan edib.

Ölkə.Az