Kuba bu xəstəliyin çarəsini tapdı

HİV xəstəliyi artıq anadan övlada keçməyəcək.

Olkə.Az xarici mətbuata istinadən xəbər verir ki, Kuba dünyada HİV (insanın immunçatışmazlığı virusu) virusunun anadan uşağa keçməsinin qarşısını alan ilk ölkə oldu.

Dünya səhiyyə təşkilatı etdiyi araşdırmalarda Kubanın lazım olan bütün kriteriyalara əməl etdiyini bildirilib. Karib ölkəsində 2013-cü ildə 2 uşaq HİV virusu ilə anadan olub və 5 uşaq sifilis xəstəliyi ilə doğulub. Dünya səhiyyə təşkilatı mart ayında Panamerikan səhiyyə təşkilatı ilə birlikdə Kubaya nümayəndə heyəti göndərib və nəticədə Kubanın bütün kriteriyalara uyğun olduğu müəyyən edilib.

Havanada təşkil edilən toplantıda danışan Panamerikan səhiyyə təşkilatının başçısı Karisa Etin Kubanın səhiyyə sahəsində atdığı addımları təqdir edib. Hər iki səhiyyə təşkilatı Cənubi Amerika ölkələrində 2010-cu ildən bəri HİV və sifilis xəstəliyinin qarşısını almaq üçün tədbirlər planını həyata keçirirlər.

Ölkə.Az