Milyarder var-dövlətini ehtiyacı olanlara bağışladı
O, dünyanın ən zəngin insanları siyahısında 22-ci yerdədir.
Ölkə.Az xəbər verir ki, dünyanın ən varlı adamlarından biri olan Səudiyyə Ərəbistan şahzadəsi, milyarder Əl-Valid bütün var-dövlətini qadınların hüquqları uğrunda mübarizə və sağlam həyat tərzinin təbliğatına sərf edəcəyini bildirib.
O bəyan edib ki, bütün sərvətini xeyriyyəyə xərcləyəcək.
Milyarder qeyd edib ki, ilk növbədə qadınların hüquqları uğrunda mübarizə aparan, çarəsi tapılmayan xəstəliklərin öyrənilməsi ilə məşğul olan, təbii fəlakət qurbanlarına yardım edən, sağlam həyat tərzini təbliğ edən təşkilatlara kömək edəcək.
60 yaşlı şahzadə bildirib ki, övladları onun qərarını dəstəkləyiblər.
Qeyd edək ki, Əl-Validir sərvəti 21,5 milyarddır. O, dünyanın ən zəngin insanları siyahısında 22-ci yerdədir.
Rəşid Mustafazadə
Ölkə.Az