İŞİD qədim 2000 illik heykəli məhv etdi

Muzey yaxınlığında yerləşən aslan dağıdıldı.

Ölkə.Az "Le Figaro"ya istinadən xəbər verir ki, İŞİD terror təşkilatının üzvləri e.ə I əsrə aid olan və Suriyanın Palmir şəhərində muzey yaxınlığında yerləşən əl-At adlı qədim aslan heykəlini məhv ediblər.

"İŞİD yaraqlıları 3 metr hündürlük, 15 ton çəkiyə malik əl-At adlı qədim aslan heykəlini məhv ediblər. Bu, Palmir irsinə qarşı ən ciddi cinayətdir", - deyə Suriyanın mədəniyyət nazirliyinin muzeylər şöbəsinin rəhbəri Maamun Əbdelkərim bildirib.

Onun sözlərinə görə, heykəl hərbi əməliyyatlardan qorunmaq üçün metallar və qum kisələri ilə örtülsə də, İŞİD-in növbəti qurbanına çevrilib.

Rəşid Mustafazadə

Ölkə.Az