Ukraynanın bütün Donbası qaytarmaq şansı yaranıb 

Beynəlxalq ekspertlər Rusiyanın Donbası qyatarmayacağı təqdirdə müharibənin inkişafı üçün üç variantının olduğunu və torpaqlaırn bu yolla geri qaytara biləcəyinin mümkünlüyünü hesab edirlər.

 “Ölkə. Az”  xəbər verir ki, bu barədə ABŞ-ın Müharibənin Tədqiqi İnstitutunin mayın 13-də açıqladığı yeni hesabatında deyilir. 

Hesabatda qeyd olunub ki, Ukraynada hərbi əməliyatların yeni mərhələsinin inkişafının üç yolu var. 

Sənəddə bildirilir ki, Rusiya ya onsuz da işğal olunmuş əraziləri “ilhaq etmək” qərarına gələcək, ya əlavə qoşunlar səfərbər etməyə çalışacaq, ya da Rusiya kifayət qədər resurs olmadan qeyri-real hərbi məqsədləri həyata keçirməyə davam edəcək. Nəticədə yaxın aylarda dağılacaq. 

Hesabatda bildirilir ki, əgər Rusiya qoşunları hücumu vaxtından əvvəl dayandırmaq qərarına gəlməyəcəksə, o zaman Ukrayna ordusu rus qoşunlarını işğal olunmuş Donetsk və Luqanskdan sıxışdırıb çıxara və ya ən azı fevraldan əvvəlki “DNR” və “LNR” sərhədlərinə qayıda bilər.

Əgər Rusiya qüvvələri Donbas kampaniyasının kulminasiya nöqtəsinə çatdığını etiraf etməsələr, Ukraynadakı rus ordusu tamamilə iflasa uğraya bilər.

“Rusiya qüvvələri çox güman ki, ya Donbasda irəliləyişini dayandırıb, hazırda saxladıqları ərazini ilhaq etmək qərarına gələcək, ya da Ukrayna qüvvələrinin əli ilə hərbi məğlubiyyətə düçar olacaq”, - hesabatda deyilir.

Əks halda, Kreml öz auditoriyasına bəyan edilən məqsədlərə nə üçün nail olunmadığını izah etməli olacaq.

 Mürtəza
Ölkə.Az