Gürcüstanı aclıq gözləyir: 10 günlük buğda ehtiyatı qalıb

Gürcüstanın buğda ehtiyatları tükənmək üzrədir, on günlük ehtiyat var. 

“Ölkə.Az” xəbər  verir ki, bu barədə Gürcüstanın Taxıl və Un İstehsalçıları Assosiasiyasının rəhbəri Levan Silagava Gürcüstanın “Business Formula” xəbər agentliyinə bildirib. “Təəssüf ki, ölkədə buğda ehtiyatı minimaldır, ehtiyatlar on gün davam edəcək. Yaxın bir neçə gündə isə əvvəllər işləyən üç dəyirman da fəaliyyətini dayandıracaq... Buğdanın idxalının aylardır mənası yoxdur, Çünki unun idxal rüsumu sıfır, buğdada isə üzən rüsum var. Bu gün bir tonu 120 dollardır”, - Silagava bildirib.

Onun sözlərinə görə, Assosiasiya üzvləri un və buğdaya idxal rüsumları arasındakı fərqin bərabərləşməsi üçün baş nazirlə görüş tələb edirlər. O əlavə edib ki, təsərrüfat profilli nazirliklərlə aparılan danışıqlar nəticəsiz qalıb, zavodların işçiləri işsiz qalırlar. “Biz vergi rejimlərində dəyişiklik təklif etmişik ki, bu da fikrimizcə, vəziyyəti yaxşılaşdıra bilər, lakin fikir ayrılıqlarına görə qərar qəbul olunmayıb. Yeganə çıxış yolu baş nazirlə görüşdür”, - Silagava bildirib.

 Mürtəza
Ölkə.Az