Stoltenberq: "Rusiya ilə soyuq müharibə yoxdur"

Stoltenberq: "NATO heç vaxt yatmır".

Ölkə.Az "Deutsche Welle"ə istinadən xəbər verir ki, NATO-nun baş katibi Yens Stoltenberq alyansı bütün dövrlərin ən güclü müdafiə ittifaqı adlandırıb.

"NATO - bütün dövrlərin ən güclü müdafiə ittifaqıdır. Bizim cavab müdafiə xarakteri daşıyır. O, proporsional və beynəlxalq razılaşmalara müvafiqdir. Biz qüvvələrimizin döyüş hazırlığını yüksəltmişik. Biz alyansın şərq sərhədlərində hərbi iştirakı gücləndirmişik. Nato heç vaxt yatmır və yuxulamır ", - deyə Stoltenberq bəyan edib.

Onun sözlərinə görə, Rusiya mütəmadi olaraq nüvə silahının adını müdafiə strategiyasının tərkib hissəsi kimi hallandırır. Stoltenberq bəyan edib ki, Rusiya özünü aqressiv aparsa da, Qərblə "soyuq müharibə" vəziyyətində deyil.

Rəşid Mustafazadə

Ölkə.Az