Kadırov: “Ağlım olsaydı Şamil Basayevi və Xəttabı zamnında öldürərdim”

Çeçenistanın rəhbəri Ramzan Kadırov bildirib ki, “bugünkü kimi düşünsəydi” Şamil Basayev və Əmir Xəttabı vaxtında məhv edərdi.

“Ölkə.Az” “ria.ru”ya istinadən xəbər verir ki, o bunu “Bilik” cəmiyyətinin “Yeni üfüqlər” marafonunda  öz səhvlərinə və peşman olduğu məsələlərə aydınlıq gətirən zamanı deyib.

"Nöqsanlar var idi. Mən həmişə düşünürəm ki, 1996-1998-ci illərdə indiki kimi düşünsəydim və indiki kimi vəziyyəti bilsəydim, Basayevi, Xəttabı və digərlərini məhv edərdim. Onda imkanım var idi", - Kadırov deyib.

O eyni zamanda əlavə edib ki, o zaman növbəti müharibə olmayacaqdı: "İkinci hərbi kampaniya da olmayacaqdı. Bu mənim böyük səhvimdir ki, bunu görmək üçün bu ağlım və baxışım yox idi".

Mürtəza
Ölkə.Az