Ukraynalı ailə rusların törətdiyi dəhşətlərdən danışdı: 3 qardaşı güllələdilər, diri-diri basdırdılar...

Dünya mətbuatı bu dəfə rus əsgərlərin qətlə yetirdiyi qardaşlardan yazıb.

Ölkə.az "The Wall Street Journal"a istinadla xəbər verir ki, Rusiya Ukraynaya hücuma başlayanda Kuliçenkolar ailəsi Dovçik kəndində yaşayırdı. 

Qardaşlardan 30 yaşlı Yevgeni bir neçə il əvvəl o, Ukrayna ordusunun desantçısı kimi ölkənin şərqində rusiyayönlü separatçılara qarşı döyüşüb. Daha sonra ordudan istefa verdi və 36 yaşlı böyük qardaşı Dimitro ilə əkinçiliklə məşğul olmağa başlayıb. Lakin Mikola və İrina bildirdilər ki, işğal başlayanda Yevgen gizli şəkildə Jitomirə gedib onun bölməsinə qoşulmağa çalışıb.

Martda Rusiya hərbi maşın karvanı mərmi atəşinə məruz qalıb və kənddən keçən yolda minaya düşüb. Bundan sonra rus əsgərləri günahkarı tapmaq üçün 570 əhalisi olan kəndi dağıtmağa başlayıb. Bütün evlərdən ailə üzvləri arasında hərbi xidmət keçən şəxslərin olub-olmaması soruşulub.

Daha sonra növbə Kuliçenkolar ailəsinə çatıb. İki rus əsgəri onların evinə daxil olaraq Yevgen, Nikola və Dimitronun şəxsiyyətini təsdiq edən sənədləri tələb edib. Tezliklə onlar Yevgenin Jitomirə gedərkən özü ilə götürmək üçün hazırladığı çantanı tapıblar. Çantada bir az döyüş sursatı və Yevgenin köhnə forması olub.

Rus əsgərlərdən biri qardaşlardan hansının orduda olmasını sual edib. Yevgen “mən” deyə cavab verdikdən sonra Kuliçenko qardaşlarının başlarına torba keçirərək onları maşına mindiriblər.

Daha sonra üç qardaşı soyuq zirzəmidə günlərlə əlləri və gözləri bağlı şəkildə saxlayıblar. Kuliçenkolar evlərindən aparıldıqdan 3 gün sonra, martın 21-də Dovcikdə basqını həyata keçirən əsgərlər geri qayıdıb və döyülmələr yenidən başlayıb. Mikola başının arxasından ağır əşya ilə vurulduğunu və az qala huşunu itirdiyini bildirib.

Mikolanın sözlərinə görə, əsgərlər onları başqa yerə aparıb. O, burada əvvəlcə susdurulmuş silahın tıqqıltısını eşidilib. Növbəti, yəni üçüncü güllə onun sağ qulağının altına dəyib. 

Mikola düşdüyü çuxurda torpağın onun üzərinə atıldığını və qanın boynuna axdığını hiss edib.
M.Kuliçenko gücünü toplayıb və tam örtülməmiş məzardan çıxmağı bacarıb. O daha əvvəl başqa kəndə gedib. Yolda bir gənc onu onu evə dəvət edərək yemək-içmək veriblər.

Yaralı Mikolayenidən yola düşüb və 12 saat sonra öz kəndlərinə çatıb. Atası Anatoli oğlunu yaralı vəziyyətdə görəndə dəhşətə gələrək qışqırmağa başlayıb. O, digər övladlarının harada olduğunu soruşanda dəhşətli hadisədən xəbər tutub.

Kuliçenkolar rus əsgərləri tərəfindən qətlə yetirilən oğlanlarının meyitlərinin tapılması üçün dəfələrlə müvafiq qurumlara müraciət ediblər. Əvvəlcə onların danışdıqları uydurma kimi görünsə də, axtarışlar zamnı ələ keçirilən sübutlar faktın doğruluğuna şübhə yeri qoymayıb.

Yevgen və Dimitronun cəsədləri eksqumasiya edilib və Çerniqov meyitxanasına göndərilib. 

Aprelin 21-də, onların edamından düz bir ay sonra Dimitro və Yevgenin cəsədləri dəfn edilib. Yaşasaydı, Dimitro həmin gün 37 yaşını qeyd edəcəkdi. Dəfn mərasimində kənddən 100-ə yaxın insan iştirak edib. 

Kiliçenkolar deyir ki, normalda kənddə yas mərasimlərində qəbirləri qazmaq Anatoli Kuliçenkonun vəzifəsi olub. Lakin Anatoli bu dəfə tapşırığı yerinə yetirə bilməyib, təkbaşına kənarda oturub oğullarının dəfn olunmasını seyr edib. 

Mikola Kuriçenkonun ifadəsi Ukrayna prokurorlarının rus əsgərlərinə qarşı açmağa hazırlaşdığı minlərlə hərbi cinayət işindən birinin əsasını təşkil edir. Rusiya qüvvələri bu nümunədə olduğu kimi işgəncə və zorlamada, eləcə də edamlarda ittiham olunur.

Billurə