ÜST Çinin COVID-19 peyvəndi “Convidecia”nın tətbiqini təsdiqləyib
Ümumdünya Səhiyyə Təşkilatı (ÜST) Çinin “CanSino Biologics” şirkəti tərəfindən istehsal olunan “Convidecia” koronavirus peyvəndini fövqəladə hallarda istifadə üçün nəzərdə tutulan dərmanlar siyahısına əlavə edib.
"Ölkə.az" xəbər verir ki, bu barədə ÜST məlumat yayıb.
“Bu gün Ümumdünya Səhiyyə Təşkilatı SARS-CoV-2-nin səbəb olduğu COVID-19-un qarşısını almaq üçün ÜST tərəfindən təsdiqlənmiş artan peyvənd portfelinə əlavə olaraq Çində “CanSino Biologics” tərəfindən istehsal olunan “Convidecia” peyvəndi üçün Təcili İstifadə Siyahısını (EUL) açıqlayıb”, – deyə ÜST-ün bəyanatında bildirilir.
“Convidecia”nın modifikasiya olunmuş insan adenovirusuna əsaslandığı bildirilir. Təsdiqlənmiş peyvənd tək komponentdən ibarətdir.
ÜST-ün məlumatına görə, “Convidecia”nın COVID-in simptomatik formasına qarşı effektivliyi 64%, ağır formasına qarşı isə 92% təşkil edir.
