88 yaşlı Fidel Kastro pendir istehsalçıları ilə görüşdü
Kubanın keçmiş rəhbəri Fidel Kastro son aylar ərzində ilk dəfə ictimaiyyəti qarşısına çıxıb.
Kuba dövlət televiziyası 88 yaşlı Fidel Kastronun paytaxt Havana yaxınlığında yerli pendir istehsalçıları ilə görüşünün görüntülərini yayımlayıb.
Verilən məlumatlara görə, Kastronun 20-ə yaxın mütəxəssislə görüşü 4 saatdan çox davam edib.
1959-cu ildə inqilab nəticəsində hakimiyyətə gəlmiş Fidel Kastro 2008-cı ildə səhhətilə əlaqədar hakimiyyəti qardaşı Raul Kastroya təhvil vermişdi.
O zamandan bəri ictimaiyyət arasında nadir hallarda görünən Kastronun hətta öldüyü barədə məlumatlar da yayılırdı. (ans tv)
Ölkə.Az
