Martin Şults: "Yunanıstanın maliyyə yox, humanitar yardıma ehtiyacı olacaq"

"Yunanıstan üçün humanitar yardım məsələlərini müzakirə etmək lazımdır"

Ölkə.Az xəbər verir ki, Avropa Parlamentinin sədri Martin Şults Yunanıstanın referendumdan sonra artıq maliyyə yox, humanitar yardıma ehtiyacı olduğunu bəyan edib.

"Mən əminəm ki, Yunanıstan vətəndaşları həftə ərzində, bir neçə gün boyu ağır vəziyyətə düşəcəklər. Sadə vətəndaşlar, təqaüdçülər, xəstələr, uşaqlar hökumətin ölkəni sürüklədiyi dramatik vəziyyətə görə cavab verməməlidirlər", - deyə Şults vurğulayıb.

Onun sözlərinə görə, avrozonanın qarşıdakı sammitində Yunanıstan üçün humanitar yardım məsələlərini müzakirə etmək lazımdır.

Xatırladaq ki, bu gün Yunanıstanda ölkə əhalisinin 40%-nin iştirak etdiyi referendum başa çatıb. Yunanıstan Daxili İşlər Nazirliyinin açıqladığı ilkin nəticələrə əsasən, səsverməyə qatılanların 59,7%-i kreditorların tələblərinə “yox” cavabı verib və yalnız 40.3% vətəndaş bu şərtlərlə razılaşaraq “hə”yə səs

Rəşid Mustafazadə

Ölkə.Az