İş adamının güllələnməsi ilə bağlı şok təfərrüatlar

O “qanuni oğru”nu aradan götürmək üçün 500 min dollar vəd edib

Öldürülən iş adamı “qanuni oğru” Ded Xasanın ən yaxın silahdaşının ölümünü sifariş veribmiş. Ovanes Kamaryan Ded Xasanın ən yaxın silahdaşlarından biri olan Rafik madoyanı aradan götürmək üçün killerə yarım milyon dollar vəd edib.
 “Ölkə.Az” rus mediasına istinadən xəbər verir ki, iyunun 2-də axşam saatlarında Moskvanın mərkəzində güllələnərək öldürülən 62 yaşlı iş adamı Ovanes Kamaryanın qatili olduğu iddia edilən 24 yaşlı Ermənistan vətəndaşı Ayrik Yervandyan istintaq orqanları tərəfindən dindirilib.

Qətl sifarişli hesab olunarsa, onu 20 ilə qədər həbs və ya ömürlük həbs cəzası gözləyə bilər.
Məlumatlara görə, Kamaryanın qətli qisas xarakterli sifarişli ölümdür.

Belə ki, Kamaryan  Ded Xasanın ən yaxın silahdaşlarından olan “qanuni oğru” Rafik Madoyanın 500 min dollar müqabilində aradan götürülməsini sifariş verməkdə ittiham olunub. Lakin Madoyana qarşı edilən qəsd uğursuzluğa düçar olub. Qəsd zamanı Madoyanın  mühafizəçiləri yaralansa da, özünə bir şey olmayıb. Məhz bu hadisədən sonra Kamaryan Ermənistandan qaçıb. Ona görə də iddia olunur ki, Kamaryanın ölümündə Madoyanın hansısa formada iştirakı var.

Mürtəza
Ölkə.Az