Rusiya 100 gündə Ukraynada 80 minədək itki verib

Ukrayna Prezident Aparatı Rusiyanın bu ölkəyə qarşı  başlatdığı müharibədə ötən 100 gün ərzində  rus hərbçilərinin təxmini itkilərini açıqlayıb.

“Ölkə.Az” xəbər verir ki,  bu barədə Prezident Aparatının rəhbəri  müşaviri Mixaylo Podolyak Meduza qəzetinə müsahibəsində  deyib ki, ötən müddət ərzində  rus ordusunun  80 minə yaxın  hərbçisi həlak olub və yaralanıb.

“Məncə, bu gün Rusiya ordusunun ümumi itkiləri, sanitar itkilərlə (yaralılar, öldürülənlər, şikəstlər) 80 minə yaxındır”-Podlyak bildirib.

Podlayk onu da qeyd edib ki, müharibənin ilk həftələri ilə müqayisədə Rusiyanın itkilərinin sayı xeyli azalıb: 
“Birinci ay yarım ərzində  gündə minə qədər insan itkisi olurdusa, indidi isə bu rəqəm 100-200 nəfərə düşüb. Bu da mövqe döyüşləri ilə bağlıdır. Yaralananların sayı isə 600-700  nəfər təşkil edir”.
O, həmçinin vurğulayıb ki, Rusiya ordusu istənilən halda Ukrayna ordusundan xeyli böyük olsa da, keyfiyyət  baxımından aşağıdır. 

Ukrayna tərəfinin də döyüşlərdə itki verdiyinə toxunan podlyak deyib ki, bizdə insanlar şüurlu şəkildə, ailələrini qorumaq  naminə döyüşə gedirlər. “Müharibədə gün ərzində 100 nəfərədək itki veririk, amma pis taktikadır. Biz itkilərimizi mümkün qədər minimuma endirməliyik”, - Podolyak vurğulayıb.

Ukrayna Silahlı Qüvvələrinin Baş Qərargahının iyunun 3-nə olan məlumata görə, indiyidək 30 950 rus işğalçısı məhv edilib.

İyunun 2-də Ukrayna prezidenti Vladimir Zelenski Donbasdakı döyüşlərdə hər gün 100-ə qədər ukraynalı əsgərin həlak olduğunu, 500-ə yaxınının isə yaralandığını bildirib.

Mürtəza
Ölkə.Az