Keçmiş dostundan Putinə şok sözlər: “Aldandığına sevinir...”

“Mən deməzdim ki, Putin birbaşa Kiyevin ələ keçirildiyini düşünür. Məncə, o, hər şeyin o qədər də sadə olmadığını başa düşür. Amma şəxsi keyfiyyətlərinə, xarakterinə görə... Bilirsiniz, “Rosneft”in rəhbəri Seçin necə dedi? Seçin ümumiyyətlə, sitat gətirməyə layiq adam deyil, amma mən ondan sitat gətirəndə bu unikal haldır. O, mənə dedi: "Sergey Viktoroviç, nəsə təcili bir şey etmək lazımdır! Çünki hamı onun plastilin olduğunu başa düşsə, işimiz bitdi”.

“Ölkə.Az” xəbər verir ki, bunu rusiyalı iş adamı, Rusiya Federasiya Şurasının keçmiş üzvü və Putinin yaxın dostu olmuş Sergey Puqaçov Dmitri Qordona "Ukraynadakı müharibənin yüz günü" ilə bağlı müsahibəsində deyib. 

O əlavə edib ki, Putini Seçindən yaxşı heç kim tanımazdı: “Bu plastilin Putin həmişə dəyişən dünyanın altında qalır”.

Biznesmenin fikrincə, Putinin Ukrayna ilə müharibədən normal çıxış yolu yoxdur.
“O, açıq-aşkar hərbi cinayətkardır. Özünü nə ilə təsəlli edir? Məncə, bir neçə şey. Birincisi, Ukrayna ordusu ən azı hələ Moskvanın yaxınlığında deyil. İkincisi, onun hər şeyin yaxşı olacağını söyləyən çoxlu təsəllivericiləri var. ...O, uzun müddətdir, 1999-cu ildən bəri televiziya ekranından məhz orada özünün nə yayımladığını eşidir. Heç nə dəyişməyib. Ona görə də bilirsiniz ki, o, aldandığına sevinir”, -  Puqaçov qeyd edib.

Mürtəza
Ölkə.Az