Onların istəyi möhtac duruma düşməyimizdir

Şimali Kipr Türk Cümhuriyyətinin (KKTC) prezidenti Ersin Tatar Rum lideri Nikos Anastasiadisin destruktiv açıqlamalarına cavab verib.

“Ölkə.Az” xəbər verir ki, KKTC prezidenti Ersin Tatar açıqlamasında beynəlxalq ictimaiyyətə çağırış edib.

“Rum lideri Nikos Anastasiadisin hədsiz və ölçüyə sığmaz çıxışları Kipr türk xalqını təhqir etməklə yanaşı, həm də onun özünü alçaldan vəziyyətə salıb”, -deyə o bildirib.

Ersin Tatar, Anastasiadisin “adanın tək sahibi” kimi Şimali Kipr Türk Cümhuriyyətinin ikitərəfli münasibətlərinə belə müdaxilə etmək hüququna malik olduğunu və yaratdığı bu virtual illuziyanı gerçəkmiş kimi davam etdirə bilcəyini düşündüyünü deyib:

“Kipr Türk xalqı, Rum rəhbərliyinin 1963-cü ildən bəri həyata keçirdiyi qeyri-insani təcrid siyasəti ilə haqsız yerə sıxışdırılır. KKTC 1963-cü ildən bəri Kıbrıs türk xalqına qarşı tətbiq edilən qeyri-insani təcrid və məhdudiyyətlərə qarşı hər şəraitdə yanımızda olan və heç bir dəstəyi əsirgəməyən Ana Vətənimiz Türkiyə ilə birlikdə mübarizəni davam etdirəcəyik.

Dövlətlər arasında ikitərəfli protokol olan 2022-ci il İqtisadi və Maliyyə Əməkdaşlıq Protokolu, xüsusilə Covid-19 və Ukraynadakı savaşın ağır nəticələrini bütün dünya ilə hiss etdiyimiz bu dövrdə xalqımıza fayda verəcək tədbirlərin davam etdirilməsi böyük əhəmiyyət kəsb edir. Açıqlamalardan da anlaşıldığı kimi, iqtisadiyyatımızı inkişaf etdirmək məqsədi ilə hazırlanan bu protokolun Anastasiadisi çox narahat etdiyi görünür”.

KKTC lideri, "rum liderin istəyi Kipr Türk xalqının iqtisadi çətinliyinin artması, özəlliklə, ən önəmli sektorlarımızdan biri olan turizmin bundan mənfi təsirlənməsi və beləliklə, onlara, yəni rum tərəfinə möhtac duruma düşməyimizdir", deyib.

"Göründüyü kimi, Anastasiadis yaxın həmkarları olan üç rum lider namizədinə təbliğat materialı verməyi özünə tapşırıb. Seçki prosesinə yeni girən Kipr rum tərəfinin əsl siması hər keçən gün daha da aydınlaşacaq. Bu nöqtədə beynəlxalq ictimaiyyətə belə bir çağırış etmək istərdik: Rum lider namizədlərinin ritorikasını yaxından izləyin. Bu, sizə hazırkı Rum rəhbərliyi və onun gələcək liderinin Kipr adası, Kipr probleminin gələcəyi və bölgəmizlə bağlı baxışları haqqında aydın mesajlar verəcək”, -deyə Ersin Tatar bildirib.

Mürtəza
Ölkə.Az