Ermənistan mediasından ölən hərbçiləri ilə bağlı qəribə ETİRAF
Hazırda Ermənistanın Metsamor və Heratsi morqlarında 2020-ci ildə 44 günlük İkinci Qarabağ müharibəsində ölən 86-ya yaxın əsgərin qalıqları hələ də saxlanılır.
“Ölkə.Az” xəbər verir ki, bu barədə “joxavurd” qəzeti yazır.
Mətbu orqanının yazdığına görə, 2021-ci ildə Ermənistanın baş naziri Nikol Paşinyan parlamentdə çıxışı zamanı moqrlarda 44 günlük müharibə nəticəsində həlak olan hərbçilərin olduğunu etiraf edib.
“Hazırda əlimizdə 100 meyit var, onlar qohumları tərəfindən tanınıb, lakin qohumlar nədənsə həmin faktı qəbul etməkdən imtina edirlər, bu, başa düşüləndir. Bir çox soydaşlarımız yaxınlarının sağ olduğuna inanır”, - Paşinyan qeyd edib.
O, həmçinin qeyd edib ki, DNT testinə etibar etməyən və öz vəsaiti hesabına xaricdə DNT testini təşkil edən ailələr var.
Qəzet onu da bildirib ki, Paşinyanın açıqlamasından 1 il 2 ay keçməsinə baxmayaraq Metsamor və Heratsi morqlarında 86-ya yaxın əsgərin qalıqları hələ də saxlanılır.
“Yaxınları onların övladları olduqlarını qəbul etmirlər. Yəni müharibədən təxminən iki il keçməsinə baxmayaraq, vəziyyət dəyişməyib…”, -mətbu orqanı yazır.
Mürtəza
Ölkə.Az
