Çin çəkinmədən açıqladı: yeni müharibə hədəsi

Çin müdafiə naziri Wei Fenghe, ABŞ-lı həmkarı Lloyd Austin ilə görüşdə bəyan edib ki, Tayvan müstəqilliyini elan edəcəyi təqdirdə müharibə başlamaqdan çəkinməyəcəklər.

“Ölkə.Az” xəbər verir ki, Çinin müdafiə naziri Vey Fenqe və ABŞ-ın müdafiə naziri Lloyd Ostinlə Sinqapurda “Şanqri-La Dialoqu” adlı təhlükəsizlik sammiti çərçivəsində görüşüblər.

Çin müdafiə nazirliyindən verilən açıqlamda deyilir ki, müdafiə naziri Vey Fenqe amerikalı həmkarına xəbərdarlıq edib: “Əgər kimsə Tayvanı Çindən ayırmağa cəsarət etsə, Çin ordusu nəyin bahasına olursa olsun, müharibəyə başlamaqdan çəkinməyəcək”.

Çinli nazir onu da əlavə edib ki, Tayvanın müstəqillik planının qarşısı qətiyyətlə alınacaq.

ABŞ Müdafiə Nazirliyinin görüşlə bağlı verdiyi açıqlamada isə deyilir ki, Ostin Tayvan boğazında sülh və sabitliyin vacibliyini və status-kvonun birtərəfli qaydada dəyişdirilməsinə qarşı olduqlarını bir daha təsdiqləyib və Çini Tayvana qarşı sabitliyi pozan hərəkətləri davam etdirməkdən çəkinməyə çağırıb.

Mürtəza
Ölkə.Az