Ermənilər Muradı polisin qarşısında bıçaqlayıb, güllələdilər - DƏHŞƏTLİ VİDEO

Gecə yarısı Vladiqafqazda yolda 79 yaşlı taksi sürücüsü Sergey Qriqoryan 35 yaşlı Murad Osmanov arasında mübahisə yaranıb. Mübahisə nəticəsində Osmanov Qriqoryanı qarnından bıçaqlayıb. Osmanov da əlindən xəsarət alıb. Hər iki şəxs xəstəxanaya çatdırılıb. 

“Ölkə.Az” Baza-ya istinadən xəbər verir ki, xəstəxanaya Qriqoryanın yaxınları gəlib. Onun nəvəsi Osmanovu xəstəxana dəhlizində görüb, polisin gözü qarşısında bıçaqla onu ayağından və kürəyindən yaralayıb.

Həkimlər gəncə ilkin tibbi yardım göstəriblər. Lakin Murad Osmanov təcili yardım otağında gözləyən zaman yaşlı zərərçəkənin oğlu onun döş qəfəsindən və mədəsindən zərbələr endirib. Daha sonra başqa bir qohum tapança ilə gəncə bir neçə dəfə atəş açıb.

Bundan sonra Osmanovun həyatını xilas etmək mümkün olmayıb, o, aldığı xəsarətlərdən reanimasiyada dünyasını dəyişib.

Hazırda hüquq-mühafizə orqanlarının əməkdaşları hadisənin başvermə şəraitini araşdırır. 

Mürtəza
Ölkə.Az