Aksiyalardan sonra Nazarbayevlə Putin arasında ilk görüşüb

Nazarbayev Qazaxstandan 2022-ci ilin yanvarında baş verən məlum etiraz aksiyalarından sonra ilk dəfə Moskvada Putinlə görüşüb.

Prezidentlər sonuncu dəfə 2021-ci ilin dekabrında görüşüblər.

“Ölkə.Az” xəbər verir ki, bu barədə bazar ertəsi Nazarbayevin mətbuat xidməti məlumat yayıb.

Tərəflər iki ölkə arasında əlaqələrin qurulmasının 30 illiyi münasibətilə də təbrik mübadiləsi aparıblar.

“Nursultan Nazarbayev Rusiya Federasiyasının Prezidenti Vladimir Putinlə görüşüb və onu Rusiya Günü münasibətilə təbrik edib. Dostluq şəraitində keçən görüşdə Qazaxıstanın birinci Prezidenti ilə Rusiya Prezidenti iki ölkə arasında əməkdaşlığın bərabərhüquqlu dialoq əsasında inkişaf etdiyi vurğulanıb”, - deyə məlumatda bildirilir.

Bildirilib ki, tərəflər Qazaxıstan və Rusiya xalqlarının firavanlığı naminə mövcud dostluq əlaqələrinin bundan sonra da davam etdiriləcəyinə əminliklərini ifadə edərək, bir-birlərinə cansağlığı və firavanlıq arzulayıblar.

Kremlin mətbuat xidməti hələlik bu görüş barədə məlumat verməyib.

Mürtəza
Ölkə.Az