ABŞ-dan Türkiyə ilə bağlı gözlənilməz etiraf

“Biz tərəfsiz olsaydıq, Afina ilə müqavilə imzalamazdıq”.

“Ölkə.Az” xəbər verir ki, belə bir bəyanatla ABŞ Senatının Xarici Əlaqələr Komitəsinin sədri Bob Menendez çıxış edib.

Bununla da o Türkiyə-Yunanıstan gərginliyində Afinanın tərəfində olduqlarını açıq şəkildə etiraf edib.  
“Yunanıstan və Türkiyə arasında bitərəf olsaydıq, ABŞ-ın Yunanıstandakı izini genişləndirən böyük “Hərbi Təhlükəsizlik Əməkdaşlıq Sazişi” imzalamazdıq”, - Menendez  qeyd edib.

ABŞ-Yunanıstan Müdafiə Əməkdaşlığı Müqaviləsinə əsasən, Yunanıstan ABŞ-ın bu ölkədəki bazalarında, o cümlədən Türkiyə sərhədindəki Aleksandrupoli və Kritdəki Suda bazalarında daha çox ABŞ əsgərinin yerləşdirilməsinə icazə verəcək. Yenilənmiş razılaşma ilə ABŞ Yunanıstan hərbi bazalarına da çıxış əldə edəcək.

Mürtəza
Ölkə.Az