Dnepropetrovsk \"Uraqan\"la vurulur: ölənlər və yaralılar var - FOTO

Rusiyalı əsgərlər Dnepropetrovsk vilayətində Zelenodolsk şəhərini "Uraqan" sistemlərindən atəşə tutublar, nəticədə yerli sakinlər ölüblər və yaralanıblar.

Ölkə.Az-ın milli.az-a istinadən məlumatına görə, bu barədə bu gün Dnepropetrovsk Vilayət Şurasının sədri Nikolay Lukaşuk məlumat verib.

"Krivoy Roq vilayətində çox ağır gecə. Dünən axşam saatlarında Zelenodolsk yenidən "Uraqan"lardan atəşə tutulub. Ruslar çoxmərtəbəli yaşayış binalarını vurub. Atışma nəticəsində bir qadın ölüb. Həmçinin orada yaralananlar var - üç qadın və iki kişi", - Lukaşuk bildirib.

Onun sözlərinə görə, zərərçəkənlər xəstəxanaya yerləşdirilib.

"Həmçinin gecə saatlarında ruslar yenidən Bolşaya Kostromkaya zərbələr endiriblər. Onlar yaşayış binasını vurub, yanğın baş verib. Elektrik və qaz xətləri də qarışıb. Tələfat yoxdur", - sədr bildirib.

Lukaşukun sözlərinə görə, regionun digər icmalarında vəziyyət hələ də nəzarət altındadır. Rusların atəşinə baxmayaraq, ukraynalı müdafiəçilər xətti möhkəm saxlayırlar.