Tsipras Avropa liderlərini təhdid siyasətindən əl çəkməyə çağırdı: "Pullar xalqa çatmayıb"

Yunanıstanın baş naziri Strasburqda Avropa Parlamentinin deputatları qarşısında çıxış edib.

Ölkə.Az xəbər verir ki, Strasburq şəhərində Avropa Parlamentinin binasında yekun referendumun nəticələrinə əsasən beynəlxalq kreditorların şərtlərindən imtina etmiş Yunanıstanın gələcək taleyi ilə bağlı müzakirə təşkil olunub.

Bu gün deputatlar qarşısında Yunanıstanın baş naziri Aleksis Tsipras çıxış edərək Beynəlxalq Valyuta Fondu və Avropa Mərkəzi Bankına ünvanlanmış əks-təklifi anons edib. O, səsvermənin nəticələri barədə öz fikirlərini də ifadə edib.

Baş nazir qeyd edib ki, keçən referendumda yunanlar avrozonadan çıxmaq və avropa kursundan imtinaya səsə verməyiblər. Onun sözlərinə görə, Afina avropalı siyasətçilərin yunan xalqı ilə hesablaşmasını gözləyir:

Cəmi beş ay hakimiyyətdə olan Tsipras avropalı liderləri təhdid siyasətindən əl çəkməyə və dolayısı ilə diplomatik marafona başlamağa çağırış edib. Tsipras əlavə edib ki, yunan böhranı dünən yox, Afinada siyasi elitanın dəyişilməsindən çox-çox əvvəl başlayıb. Tsiprasın zənnincə, maliyyə yardımının qeyri-effektiv reallaşdırılması və yunan iqtisadiyyatının vəziyyətinin pisləşməsinə görə məsuliyyəti eyni dərəcədə həm avropalı siyasətçilər, həm də Yunanıstanın keçmiş hökuməti daşımalıdır.

"Gəlin, səmimi olaq. Xaricdən təqdim olunan pullar heç vaxt xalqa çatmayıb. Onlar Avropa banklarının xilasına yönəlirdi. Məsələ ideologiyada olmasa da, o dövrdə bizim hökumət sükan arxasında olmayıb. Bütün bu illər ərzidə sabiq hökumət ölkəni qətlə yetirmək üçün bütün mümkün fəaliyyətləri həyata keçirib", - deyə Tsipras vurğulayıb.

Xatırladaq ki, bir neçə gün öncə Yunanıstanda ölkə əhalisinin 40%-nin iştirak etdiyi referendum başa çatıb. Yunanıstan Daxili İşlər Nazirliyinin açıqladığı ilkin nəticələrə əsasən, səsverməyə qatılanların 59,7%-i kreditorların tələblərinə “yox” cavabı verib və yalnız 40.3% vətəndaş bu şərtlərlə razılaşaraq “hə”yə səs verib.

Rəşid Mustafazadə

Ölkə.Az