Kanada İrana inanmır

Kanada anlaşmaya diqqətlə baxacaq.

Ölkə.Az-ın xəbərinə görə, Kanada xarici işlər naziri Rob Nikolson İranın nüvə proqramı üzrə anlaşmanın imzalanmasını şərh edib.

"İran rəhbərliyin nüvə ambisiyaları ilə bağlı beynəlxalq təhlükəsizlik və sülh şəraiti üçün ciddi təhdid olmağa davam edir. Orada terrorizmi dəstəkləməyə və İsraili məhv etməyə çağırırlar, təməli insan haqlarına laqeyd yanaşırlar", - deyə Nikolson bəyan edib.

Qeyd olunur ki, Kanada qərarın qəbuluna qədər anlaşmaya yenidən diqqətlə baxacaq.

Bu gün "altılıq" ölkələri ilə İran arasında nüvə proqramlarına dair razılaşma əldə edilib.

Razılaşmaya əsasən, Avropa İttifaqı İrana qarşı sanksiyaları sazişin imzalanmasından dərhal sonra ilin sonuna qədər donduracaq. Həmin müddət ərzində sanksiyaların tam ləğv edilməsi üçün qalan məsələlər razılaşdırılacaq.

Rəşid Mustafazadə

Ölkə.Az